منتدى الوهج الحسيني يقيم امسية للشاعر حسين الشميساوي

وكالة عيون المدينة الاخبارية

جاسب الحمداني

منتدى الوهج الحسيني يقيم امسية للاحتفاء بالشاعر حسين الشميساوي.
.. على قاعة الشهيد فرقد الحسيني اقام منتدى الوهج الحسيني امسية حوارية مميزة للشاعر الرائع حسين الشميساوي حاوره الإعلامي عقيل الحربي والذي ادار الحوار بأسئلة ذكية وواعية حيث كان مميزا بطرحه وانتقالاتها الجميلة . وبعد مقدمة عن حياة هذا الشاعر الذي كتب وعبر عن الاحاسيس بطريقة جميلة تصل إلى المتلقي بكل سلاسة ويسر. عاش حسين الشميساوي في مدينة سوق الشيوخ والتي تعج بالشعر والشعراء ورسم طريقه مابين مبدعيها بكل ثقة وثبات ومن خلال الاستعراض لمسيرته الأدبية نجده لسان حال الكثير والمعبر الأكثر وضوحا عما يجول في خواطر الناس من فرح والم ومعاناة فتجده مترجما بارعا لكل من لايستطيع التعبير عن خلجات نفسه وتعابيره الحسية ولو تتبعنا قصائده سنجد عمق المعنى ووضوح الصورة والمحاكاة لكل المفردات بكل حرفة وتقنية .في بداية حياته اخذ منه الإخراج المسرحي كثيرا حيث بدأ بإخراج مسرحية ابو معيشي بكل نجاح وتألق ومن ثم أخذ خطواته نحو عالم الشعر في مجال الأدب الشعبي حيث كتب اروع القصائد مثل قصيدة المسرحية الرائعة
* المسرحيه**

يكفيني فخر فرزنت الوجوه

اوشفت ياهو الي وياهو العليه

شفت كلشي ابحياتي اشكال والوان

وحملت اهموم واهات او اذيه

لگيت گلوب ما مسها الزعل يوم

ولگيت عقول متحجره اوغبيه

غشّاني الوكت بشعيط ومعيط

ما انه ادري الاصابع مو سويه

تيهت الرسن والدنيه مركاض

وكت خوف اوشظيه اتطگ شظيه

افوجن بالصبر وتناوش الراگ

واچلّب بالصخر بثنين اديه

اصدّك وامسح ادموع التماسيح

ورد اضحك چذب والبيه بيه

العمر جام اوزماني ايشامر احجار

وحياتك موش كسرت مزهريه

من كظّك سموم الصيف بچّاك

منو الغيري الوگف وانطاك فيه

گتلك لاتحط بالغربه رجليك

نزيزه الگاع وجدامك رخيه

گتلي العوز يكتل يشده البال

مايعرف فقير اولا خطيه

جاسمتك خبزتي اوگلبي مرتاح

و احن لمسامرك صبح اومسيه

تبللني ابنفط والدنيه شخاط

اعله جدحت عود تلگفني المنيه

اذا يوسف اخوته ابّير ذبّوه

انت انكرت كل معنى الخويه

حسّبتك تجازي الطيب با الطيب

وتگطّر مستحه اوغيره اوحميه

لاگصّتك عرگت وكت العتاب

ولاراو يتني انجوم الثريه

اشلون اتريد اجر الحبل مرتين

وانه ال لادغتني باايدي حيه

عركتنه انكظت والطايح ايگوم

وخل انشوف من بينه الضحيه

احط ترچيه بذنك گبل الوداع

وگبل لاتمشي اوصيك ابوصيه

لاتاخذ حچي اليحچون وجهين

حچي الودّوه الك جابوه اليه

موش انه التحطني ابين نابين

ولانه الگبّعت روحي ابرديه

عمرنه انكتب سينارست واحداث

ومشاهد من قصصنا الواقعيه

انه انطاني المخرج دور جلاد

و الد اعدائي متهوم ابقضيه

اذن من حقي امثل واقع الحال

واكمل كل فصول المسرحيه .

وهنالك الكثير من القصائد الجميلة والتي خُطت بأنامل الشاعر المبدعة .وقد تخلل الحوار مشاركات لعدد من الشعراء ومنهم الشاعر عرفان ابو حسن والشاعر محمد الماجدي والشاعر علي الموسوي والشاعر احمد وحيد العامري. بعدها ترك باب الحوار للجمهور حيث طرحت الأسئلة وتمت الإجابة عليها من قبل الشاعر بكل هدوء وتأني. اختتمت هذه الامسية الجميلة بهدية من منتدى الوهج الحسيني تكريما لمبدع من مبدعي مدينة سوق الشيوخ . ….
فيما يلي تقريرا مصورا بعدسة وكالة عيون المدينة الاخبارية بعدسة الشاعر حسن البحار .

عن kasip

شاهد أيضاً

الكاظمي يؤكد على اهمية الفن والفنانين

وكالة عيون المدينة الاخبارية: بغداد رئيس مجلس الوزراء السيد مصطفى الكاظمي يؤكد أهمية الفن والفنانين …

شاعرات المهجر تحت المجهر .الشاعرة فيان البغدادي

فيان البغدادي شاعرة عراقية مغتربة استطاعت وبفضل تجربتها ان توصل كل ماهو جميل وممتع لاسماع …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *